Aqtóbede medbike COVID-19-ǵa qarsy vaktsina alǵandardyń tizimine 67 adamnyń málimetterin zańsyz engizgen, - dep habarlaidy Tengrinews.kz.
Tártip saqshylarynyń aitýynsha, medbike Aqtóbedegi emhanalardyń birinde jumys isteidi.
"Ol aqparattyq júiege qol jetkize alatyn qyzmettik jaǵdaiyn paidalanyp, COVID-19-ǵa qarsy ekpe alǵandar týraly málimetke is júzinde ekpe almaǵan 67 adamnyń tizimin engizgen", - dedi politsiia.
Ustalǵan azamatsha árbir jalǵan qujat úshin 15 000 teńgeden alǵanyn moiyndady.
Qylmystyq kodekstiń 385-babynyń 2-bóligi "Jalǵan qujattardy, mórtabandardy, mórlerdi, blankterdi, memlekettik poshta belgilerin, memlekettik nagradalardy qoldan jasaý nemese ótkizý" jáne 247-babynyń 1, 2-bóligi "Zańsyz syiaqy alý" boiynsha qylmystyq is qozǵaldy. Is sotqa jiberildi.
