Aqtóbede qoqys shyǵarý kóliginiń júrgizýshisi túzeý mekemesine smartfondy jasyryn alyp kirmek boldy, dep habarlaidy "Ult aqparat".
Aqtóbe oblysynyń QAJ departamentine qarasty KA-168/2 mekemesiniń qyzmetkerleri jáne Ulttyq ulannyń 66/55 áskeri bólim qyzmetshileri túzeý mekemesine 2 smartfon jáne onyń qýattaǵyshyn jasyryn kirgizbek bolǵan kólik júrgizýshisin ustady. Tyiym salynǵan zattar qoqys shyǵarý maqsatynda túzetý ornyna kirmek bolǵan «KamAZ» avtokóliginiń salonynda jasyrylǵan.
«Kólik júrgizýshisi uialy telefondardy sottalǵandarǵa paidalanýǵa bermek bolǵan. Tárkileý aktisi jasalyp, zattar zertteýge jiberildi. Sondai-aq, Ákimshilik quqyqbuzýshylyq Kodekstiń 481-baby boiynsha Aqtóbe qalasynyń mamandandyrylǵan ákimshilik sotyna qujat jiberildi», - dep habarlady Aqtóbe oblysy boiynsha QAJ departamentiniń baspasóz qyzmeti.
