Aqtóbede avto, temirjol vokzaldarynda zalalsyzdandyrý jumystary júrip jatyr. Áýejaida tranzittik reister toqtady, dep habarlaidy "Ult aqparat".
«23 naýryzda Aqtóbe – Máskeý reisi toqtatyldy. Biraq el ishindegi reister júrip jatyr. Temirjolda da tranzittik baǵyttar toqtady. Endi Reseidiń Orynbor, Orsk, Qazan qalalaryna avtobýs júrmeidi. Al qalalar arasyndaǵy, iaǵni, Qostanai, Oralǵa jol ashyq» - dedi oblystyq jolaýshylar kóligi jáne avtomobil joldary basqarmasynyń basshysy Málimbet Ibrashev.
Aqtóbede oblystyq basqarma basshylary onlain tártipte halyqqa túsindirý jumystaryn júrgizip jatyr.
«Avtobýs, temirjol, áýe biletteri tapsyrylyp, quny keri qaitarylyp jatyr. Shekara qyzmeti habarlama berdi. Sheteldikter óz eline qaita alady, qazaqstandyqtar elge kirýge quqyly. Emge bara jatqan adamdar arnaiy qujatyn kórsetýi tiis», - dedi Málimbet Ibrashev.
