Aqtóbede tótenshe jaǵdai rejimin buzǵandarǵa aiyppul salyndy, dep habarlaidy "Ult aqparat".
Aqtóbe oblysynda tótenshe jaǵdai rejimin buzǵan 74 derek tirkeldi. Kóbine dámhanalar men dúkender ýaqytyly jumysyn toqtatpaǵan. Sonymen qatar satýshylar betperde kimegen, al demalys oryndarynyń biri toi ótkizgen.
«Qarǵaly aýylyndaǵy demalys bazalarynyń biri toi ótkizgen. Demalys ortalyǵynyń iesine 26 500 teńge aiyppul salyndy. Barlyǵy QR ÁQBtK 476-baby boiynsha ákimshilik jaýapqa tartylady. Anyqtalǵan 74 faktiniń ishinde 8 derek boiynsha tártip buzǵandar qamaldy, 32-sine aiyppul salyndy», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, Mártók aýdanynyń Jaisań kópbalaly kolledjiniń internat úiinde karantinde jatqan aqtóbelik erejege baǵynbai videoǵa túsirip, ony áleýmettik jeli arqyly taratyp jibergen. Sot sheshimimen ákimshilik jaýapqa tartylyp, 26 510 teńge aiyppul tóledi.
