Foto: Aqtóbe oblystyq TJD
Aqtóbe oblysy Mártók aýdany aýmaǵynda tikushaq qulady. Ázirge oqiǵanyń anyq-qanyǵy belgisiz.
Aqtóbe oblysy ákiminiń baspasóz qyzmeti bul aqparat áli de daiyndalyp jatqanyn jetkizdi. Al áleýmettik jelide qulaǵan tikushaqtyń fotosy jariialandy.
Aqtóbe oblystyq kópsalaly aýrýhanasy eki adamdy qabyldaýǵa daiyndalyp jatyr.
— Eki adamdy qaladaǵy aýrýhanaǵa ákele jatyr. Reanimatolog, travmatolog jáne kombýstiologtar qazir kópsalaly oblystyq aýrýhanada kútir otyr. Jaǵdaiy belgili bolǵan soń tolyq aqparat beriledi, — dep habarlady Aqtóbe oblystyq densaýlyq saqtaý basqarmasynyń baspasóz qyzmeti.
Aita keteiik, buǵan deiin Nepalda 19 jolaýshysy bar ushaq apatqa ushyraǵany habarlandy.
Sonymen qatar, Ózbekstanda áskeri tikushaq apatqa ushyraǵany aityldy.
Ushaq apaty saldarynan bortta bolǵan bir adam mert boldy. Ekeýi aýrýhanaǵa jetkizildi.
Oqiǵa búgin saǵat 11:40–ta boldy. Habar 112 nómirine kelip túsken.
— Aqtóbe oblysy Mártók aýdany Saryarqa aýylynyń aýdanynda tikushaqtyń qonǵany týraly habarlama kelip tústi. Áýe kemesi boljam boiynsha QR Qorǵanys ministrligine tiesili. Oqiǵa ornyna TJD jeke quramynan 23 adam men 5 birlik tehnika jiberildi. Oqiǵa ornyna kelgen TJM qutqarýshylary órtti sóndirdi. MI — 8 tikushaǵynyń bortynda 3 adam bolǵan. Olardyń bireýi qaitys boldy. Zardap shekken eki adam Aqtóbe qalasyna QR QM IaK-40 VOSVOD ushaǵymen jetkizildi, — dep habarlady QR TJM.
Bortta bolǵan 3 ekipaj múshesiniń 2-eýi aýrýhanaǵa jetkizildi. Olarǵa qajetti meditsinalyq kómek kórsetildi.
— Ekipaj músheleriniń biri qaza tapty. Aviatsiialyq oqiǵanyń aldyn-ala sebebi — tehnikalyq aqaýlyq. Oqiǵanyń mán-jaiy anyqtalýda. Jergilikti jerde vedomstvoaralyq jedel top jumys isteýde. Qarýly kúshterdiń basshylyǵy men Áýe qorǵanysy kúshteriniń qolbasshylyǵy qaza tapqan áskeri qyzmetshiniń týystary men jaqyndaryna kóńil aitady, — delingen ministrlik habarlamasynda.
Vedomstvo atap ótkendei, onyń týystaryna, sondai-aq zardap shekkenderge barlyq qajetti kómek kórsetiledi.
