Ulttyq qaýipsizdik komiteti terrorizmdi nasihattady degen kúdikpen Aqtóbe qalasynyń eki turǵynyn ustady, dep habarlaidy "Ult aqparat" vedomstvonyń baspasóz qyzmetine siltememen.
«15 qarashada Ulttyq qaýipsizdik komiteti ishki ister organdarynyń qatysýymen júrgizgen jedel-izdestirý is-sharalarynyń nátijesinde radikaldy dini nanymdarynyń negizinde terrorizmdi nasihattady, terroristik top qurdy jáne onyń áreketine qatysty degen kúdikpen Aqtóbe qalasynyń eki turǵyny ustaldy» delingen habarlamada.
Málimetke sai, olardyń turǵylyqty mekenjailarynan qoldan jasalǵan jarylǵysh qurylǵylardyń bólshekteri, atys jáne sýyq qarý, oq-dáriler, sondai-aq ekstremistik sipattaǵy materialdar, sonyń ishinde urys is-qimyldaryn júrgizý jónindegi nusqaýlyq alyndy.
17 qarashada Aqtóbeniń eki turǵyny da sot sanktsiiasymen qamaýǵa alyndy. Tergeý jalǵasýda.
