- Aqtóbe oblystyq sotynda Aqtóbe qalasynda oryn alǵan teraktige qatysty qylmystyq isti qarastyrýdy jalǵastyrýda, dep habarlaidy QazAqparat.
Esterińizge sala ketelik, Aqtóbedegi lańkestik oqiǵa 5 maýsymda bolǵan. Terroristik shabýyl kezinde 18 sodyrdyń kózi joiylyp, toǵyzy ustalǵan. Sonymen qatar lańkestik topta bolǵan alaida sol kúni teraktige qatysýdan bas tartyp, qashyp ketken 18 kúdiktiden sotta jaýap alyndy.
Kúdiktiler sot barysynda lańkestik topta múshelik etkenderin jasyrǵan joq, istegen isterine ókinish bildirdi. Degenmen kisi óltirýge ózderin kináli sanamaidy.
«Aýyr qylmys oryn alatynyn aldyn ala bilip, biraq ony quqyqqorǵaý organdaryna habarlamaǵan kúdiktiler sotta óz isterine ókinetindikterin bildirdi jáne ózderiniń jaýaptarynda «qylmysty jasyrǵandary» úshin jaýapkershilikke tartylatyndyqtaryn bilmegenderin aitady. Kúdiktilerdiń bir bóligi páterde lańkestik top basshylary Tańatarov pen Aitýǵannyń úndeýlerin túsinbegenderin, djihad Qazaqstanda emes, Siriiada nemese Amerikada oryn alýy tiis dep oilaǵandaryn málim etti», - deidi Aqtóbe oblystyq sotynyń baspasóz hatshysy Iliada Dosova.
Jalpy sot otyrysy bastalǵan kúnnen, 24 qazan men 9 qarasha aralyǵynda barlyq 66 japa shegýshi men 48 kýáger tyńdaldy. Sonymen qatar isti bolyp jatqan kúdiktilerden jaýap alyndy.
Qazirgi ýaqytta Aqtóbedegi lańkestik boiynsha 29 adam isti bolyp jatyr. Onyń 9-yna lańkestik jasady degen aiyp taǵylsa, 18-ne qylmysty jetkizbeý (QR QK 438-baby), 2 adamǵa - qylmysty jasyrdy (QR QK 432-baby) degen aiyptar taǵylyp otyr. Endi QR QK 432-baby jáne QR QK 432-baby boiynsha aiyptalyp otyrǵan kúdiktiler terroristerdi jasyrǵany úshin iri kólemde aiyppul tóleýi nemese 6 jylǵa abaqtyǵa qamalýy múmkin.
Esterińizge sala ketelik, Aqtóbedegi lańkestik oqiǵa 5 maýsymda bolǵan. Terroristik shabýyl kezinde 18 sodyrdyń kózi joiylyp, toǵyzy ustalǵan.
