Aqtóbede terakt jasaǵandarǵa qatysty sot úkimi shyqty, - dep habarlaidy "Ult aqparat" kaz.tengrinews.kz portalyna silteme jasap.
Teraktige qatysqan jeti sottalýshy ómir boiyna bas bostandyǵynan aiyryldy. Al taǵy ekeýi 25 jáne 22 jylǵa deiin bas bostandyǵynan aiyryldy.
Osyǵan deiin memlekettik aiyptaýshy osy teraktige qatysy bar eki sottalýshynyń múlkin tárkilei otyryp, 25 jáne 22 jylǵa deiin bas bostandyǵynan aiyryp, jazasyn qatań tártiptegi túzetý koloniiasynda óteýdi suraǵan bolatyn.
Sondai-aq, memlekettik aiyptaýshy sottan qylmysty habarlamady dep aiyptalǵan 18 sottalýshyny kináli dep tanyp, olardyń 13-in 6 jylǵa deiin, tórteýin 4 jylǵa deiin, taǵy bir sottalýshyny 5 jylǵa deiin bas bostandyǵynan aiyrýdy surady.
Eske salaiyq, biyl 5 maýsymda Aqtóbeniń úsh aýdanynda atys bolǵan edi. QR IIM ókilderi belgisizderdiń "Pallada" qarý-jaraq dúkenine shabýyl jasaǵany jaily habar kelip túskenin habarlady. Sonymen qatar taǵy bir qarý-jaraq dúkenine jáne Ulttyq gvardiianyń áskeri bólimine shabýyl jasalǵany belgili boldy. Arnaiy operatsiia kezinde "Pallada" dúkeniniń satýshysy qaza tapty jáne bir adam jaraqat alǵan. Al áskeri bólimde shabýylǵa toitarys berý kezinde bir ofitser men kelisimshart boiynsha áskeri qyzmetshi qaitys boldy. Toǵyz áskeri jaraqat aldy.
