Aqtóbe oblystyq soty baspasóz qyzmetiniń habarlaýynsha, aqtóbelik Nurniiaz Sarqulov "terrorizmdi nasihattady" dep aiyptalyp, bes jylǵa bas bostandyǵynan aiyrý jazasy kesildi.
Sot málimetine qaraǵanda, 23 jastaǵy Sarqulov "óz ortasynda terrorizmdi nasihattap, Reseidegi kápirler men Aqtóbedegi kúshtik qurylym qyzmetkerlerine shabýyl jasaýǵa" shaqyrǵan.
Tergeý materialdaryna qaraǵanda, Nurniiaz Sarqulov "radikaldy islamdy" ustanǵan. Biyl tamyz aiynda ol eki tanysymen kezdesip, óziniń dini kózqarasyn tańbaq bolady. Olardy "kápirlerge" qarsy turýǵa úgittep, Siriia jerindegi soǵys úshin Reseidi kinálaǵan. Aqtóbedegi kúshtik qurylym ókilderine shabýyldap, odan soń Resei aýmaǵyna barmaq bolǵan.
Nurniiaz Sarqulov sot aldynda ózine taǵylǵan aiypty moiyndaǵan.
Azattyq
