Aqtóbede «Garant 24 lombard» qarjylyq uiymy jumysyn toqtatty, dep habarlaidy QazAqparat tilshisi.
Aqtóbede buǵan deiin eki qarjylyq uiymnyń salymshylary san soǵyp qalǵan bolatyn.
Búgin taǵy bir uiym - «Garant 24 lombard» JShS-ǵa qatysty shý shyqty. Aqtóbelikter JShS keńsesine baryp, aqshalaryn qaitara almai, dal boldy.
«Kelisimshart qolymyzda. Bas keńse Nur-Sultan qalasynda dep jazylǵan. Aqshany alyp, paiyzdyq ústemeaqymen qaitaryp berýge ýáde etti. Keshe adamdar keste boiynsha salǵan aqshasynyń bir bóligin alýy tiis edi, bermegen. Biraq sol kezde de adamdardyń óz qarjysyn salǵanyn kórgen», - dedi turǵyndardyń biri.
Aita keteiik, salymshylar keńsege kirgende politsiia shaqyrylǵan.
Aqtóbe qalalyq politsiia basqarmasy bastyǵynyń mindetin atqarýshy Ziiadin Kúnbasovtyń aitýynsha, «izdestirý, máseleniń mán-jaiyn anyqtaý jumysy júrip jatyr, tekserý bastaldy».
