اقتٶبەدە «گارانت 24 لومبارد» قارجىلىق ۇيىمى جۇمىسىن توقتاتتى, دەپ حابارلايدى قازاقپارات تٸلشٸسٸ.
اقتٶبەدە بۇعان دەيٸن ەكٸ قارجىلىق ۇيىمنىڭ سالىمشىلارى سان سوعىپ قالعان بولاتىن.
بٷگٸن تاعى بٸر ۇيىم - «گارانت 24 لومبارد» جشس-عا قاتىستى شۋ شىقتى. اقتٶبەلٸكتەر جشس كەڭسەسٸنە بارىپ, اقشالارىن قايتارا الماي, دال بولدى.
«كەلٸسٸمشارت قولىمىزدا. باس كەڭسە نۇر-سۇلتان قالاسىندا دەپ جازىلعان. اقشانى الىپ, پايىزدىق ٷستەمەاقىمەن قايتارىپ بەرۋگە ۋەدە ەتتٸ. كەشە ادامدار كەستە بويىنشا سالعان اقشاسىنىڭ بٸر بٶلٸگٸن الۋى تيٸس ەدٸ, بەرمەگەن. بٸراق سول كەزدە دە ادامداردىڭ ٶز قارجىسىن سالعانىن كٶرگەن», - دەدٸ تۇرعىنداردىڭ بٸرٸ.
ايتا كەتەيٸك, سالىمشىلار كەڭسەگە كٸرگەندە پوليتسييا شاقىرىلعان.
اقتٶبە قالالىق پوليتسييا باسقارماسى باستىعىنىڭ مٸندەتٸن اتقارۋشى زييادين كٷنباسوۆتىڭ ايتۋىنشا, «ٸزدەستٸرۋ, مەسەلەنٸڭ مەن-جايىن انىقتاۋ جۇمىسى جٷرٸپ جاتىر, تەكسەرۋ باستالدى».
