Aqtóbede Meditsinalyq ýniversitet jataqhanasynan órt shyqty, dep habarlaidy QazAqparat.
Oqiǵa búgin saǵat 8:58-de boldy. Oblystyq Tótenshe jaǵdailar departamentiniń kezekshi-dispetcherlik qyzmetine M. Ospanov atyndaǵy Batys Qazaqstan meditsinalyq ýniversitetiniń stýdentter jataqhanasynda tońazytqyshtyń janyp jatqany týraly habarlama tústi.
«Órt Aqtóbe qalasy Patsaev kóshesinde ornalasqan jataqhananyń úshinshi qabatynda tirkeldi. Oqiǵa ornyna órt sóndirý qyzmetiniń jeke quramynan 42 adam jáne 11 tehnika jiberildi. Órt sóndirýshiler men qutqarýshylar birden adamdardy shuǵyl evakýatsiialaýǵa kiristi. Jataqhana terezelerinen qalyń tútin shyǵyp jatty. Baspaldaq marshynyń kómegimen qutqarýshylar 39 sheteldik azamatty qutqardy.
Barlyǵy 131 adam evakýatsiialandy, onyń ishinde 105-i sheteldik azamat. Qutqarylǵan jáne evakýatsiialanǵan adamdar jyljymaly jylytý pýnktine ornalastyryldy», - dep habarlady oblystyq TJD baspasóz qyzmetinen.
Órttiń aýdany – 16 sharshy metr. Qazir ottyń qalai tutanǵany anyqtalyp jatyr.
