اقتٶبەدە مەديتسينالىق ۋنيۆەرسيتەت جاتاقحاناسىنان ٶرت شىقتى, دەپ حابارلايدى قازاقپارات.
وقيعا بٷگٸن ساعات 8:58-دە بولدى. وبلىستىق تٶتەنشە جاعدايلار دەپارتامەنتٸنٸڭ كەزەكشٸ-ديسپەتچەرلٸك قىزمەتٸنە م. وسپانوۆ اتىنداعى باتىس قازاقستان مەديتسينالىق ۋنيۆەرسيتەتٸنٸڭ ستۋدەنتتەر جاتاقحاناسىندا توڭازىتقىشتىڭ جانىپ جاتقانى تۋرالى حابارلاما تٷستٸ.
«ٶرت اقتٶبە قالاسى پاتساەۆ كٶشەسٸندە ورنالاسقان جاتاقحانانىڭ ٷشٸنشٸ قاباتىندا تٸركەلدٸ. وقيعا ورنىنا ٶرت سٶندٸرۋ قىزمەتٸنٸڭ جەكە قۇرامىنان 42 ادام جەنە 11 تەحنيكا جٸبەرٸلدٸ. ٶرت سٶندٸرۋشٸلەر مەن قۇتقارۋشىلار بٸردەن ادامداردى شۇعىل ەۆاكۋاتسييالاۋعا كٸرٸستٸ. جاتاقحانا تەرەزەلەرٸنەن قالىڭ تٷتٸن شىعىپ جاتتى. باسپالداق مارشىنىڭ كٶمەگٸمەن قۇتقارۋشىلار 39 شەتەلدٸك ازاماتتى قۇتقاردى.
بارلىعى 131 ادام ەۆاكۋاتسييالاندى, ونىڭ ٸشٸندە 105-ٸ شەتەلدٸك ازامات. قۇتقارىلعان جەنە ەۆاكۋاتسييالانعان ادامدار جىلجىمالى جىلىتۋ پۋنكتٸنە ورنالاستىرىلدى», - دەپ حابارلادى وبلىستىق تجد باسپاسٶز قىزمەتٸنەن.
ٶرتتٸڭ اۋدانى – 16 شارشى مەتر. قازٸر وتتىڭ قالاي تۇتانعانى انىقتالىپ جاتىر.
