Aqtóbede sheteldik stýdentterdiń de esh kedergisiz bilim alýyna múmkindik berildi, dep habarlaidy QazAqparat.
Sheteldik stýdentterdiń offlain formatta bilim alýy úshin turǵylyqty eldiń ýákiletti organynan anyqtama suratylady. Sonymen birge COVID-19-ǵa qarsy vaktsina saldyrǵanyn rastaýy tiis. Memlekettik shekaradan ótkennen keiin 3 táýlik ishinde PTR synama tapsyrady. Teris mán kórsetkende kúndizgi oqý formatyna jiberiledi.
«Meditsinalyq kolledjder men M. Ospanov atyndaǵy Batys Qazaqstan meditsinalyq ýniversitetiniń klinikalyq bazalaryna, oblystyń emdeý- profilaktikalyq uiymdaryna vaktsinanyń eki dozasyn da alǵan stýdentter ǵana jiberiledi. Ashanalar men býfetterdi qosa alǵanda, mektepke deiingi jáne orta bilim berý uiymdaryna, kolledjderge, joǵary oqý oryndaryna bógde adamnyń kirýine ruqsat berilmeidi. Dene qyzýy kóterilip, aýyrǵan adamdar, «sary» jáne «qyzyl» mártebesi bar naýqastar bilim ordasyna kirgizilmeidi», - dep jazylǵan qaýlyda.
Sonymen birge, bir stýdentten koronavirýs infektsiiasy anyqtalsa, top túgel 14 kúnge oqshaýlanady.
