Aqtóbede «Migrant» jedel aldyn alý sharasy ótip jatyr. Shekarany zańsyz kesip ótken eki Resei azamatyna qatysty qylmystyq is qozǵaldy, dep habarlaidy "Ult aqparat".
Aqtóbede kóshi-qon zańnamasyn buzǵan 431 adam ákimshilik jaýapqa tartyldy. Onyń ishinde 225-i sheteldik jáne 206-y Qazaqstan azamaty. Úsh sheteldik shekaradan shyǵaryldy.
«Eki Resei azamaty Qazaqstan shekarasyn qasaqana zańsyz kesip ótti. Atalǵan faktiler boiynsha QR QK 392-baby 1-bóligimen qylmystyq is qozǵaldy. Sondai-aq, «Migrant» jedel aldyn alý is-sharasyn ótkizý barysynda kóshi-qon qyzmetkerleri ÚEU ókilderi, «Dáris» aqparattyq-konsýltativtik ortalyǵymen birlesip, Ózbekstan azamaty Dilmýrod Jalilovtyń jeke basyn kýálandyratyn qujattardy qalpyna keltirýge kómektesti. Ózbekstan azamaty Dilmýrod Faizýllaevtyń biletin satyp alyp berdi. Olar óz Otanyna oraldy», - dedi oblystyq PD baspasóz qyzmetiniń jetekshisi Erbolat Sarqulov.
