Aqtóbede sý tasqynynan zardap shekken Mahambet aýylynyń turǵyndaryn kóshirý úshin biraýyzdan kelisim kerek. Bul týraly oblys ákimi Berdibek Saparbaev esep berý kezdesýinde aitty, dep habarlaidy QazAqparat tilshisi.
Aqtóbede 2017 jyly sý tasqyny bolyp, júzdegen úidiń turǵyndary baspanasyn tastap, ýaqytsha oryndarǵa qonystanǵan bolatyn. Sol kezde Mahambet aýylynyń turǵyndaryn túgel kóshirý týraly usynys qaralyp, Úkimet komissiiasy jumys istedi. Turǵyndar osy máseleniń sheshimin oblys ákiminen surady.
«Mahambet, Vohr aýylynyń jaǵdaiyn jaqsy bilemiz. Demeýshilerdiń kómegimen sý tasqynynan soń 120 úi salyndy. Al Mahambet aýylyn túgel kóshirýdi oiǵa alǵan edik. Úkimettiń arnaiy komissiiasy kelip qarady. Tek turǵyndardyń bári birigip, qujat jinap, biraýyzdan kóshýge kelisim berýi tiis bolatyn. Biraq kelisim berilmei, qujat daiyndalmady. Másele sol kúii ashyq tur. Bul jerde turýǵa bolmaidy. Aýasy nashar, úileriniń qurylysy durys emes. Qujat rettelse, basqa jerge kóshirý is-sharasy qoldanylady», - dedi Aqtóbe oblysynyń ákimi Berdibek Saparbaev.
