Radikaldardyń qorǵanys salasyna kirip, iritki salýynan qoryqqan quzyrly organdar kúzgi shaqyrylymǵa kelgenderdi jiti súzgileýde. Otan aldyndaǵy boryshyn óteýge mindetti jastardy meditsinalyq tekserýge shaqyrmastan buryn jeke isterin tekseredi eken. Eger Ulttyq qaýipsizdik komiteti men Ishki ister departamentiniń tizimine ilikkender bolsa áskerge jolatpaidy. Biyldyqqa on jigit ekstremistik ustanymdary úshin, taǵy biri baptisterdiń ýaǵyzshysy bolǵandyqtan áskerden shettetilgen.
«Áskerge shaqyrmastan buryn er azamattardy syrttai zerttep, jeke isterin tekseremiz. Ulttyq qaýpsizdik komiteti men Ishki ister organdarymen tyǵyz bailanystymyz. Arnaiy tekserý kezinde tirkeýde turǵan-turmaǵany anyqtalady», - deidi Aqtóbe oblystyq qorǵanys isteri jónindegi departamenti bastyǵynyń orynbasary Ádilbek Qultaev.
