«Aqtóbe – adaldyq alańy» jobalyq keńsesi poiyzda reid ótkizdi. Biletsiz júrgen 108 jolaýshy anyqtaldy, dep habarlaidy "Ult aqparat".
Jobalyq keńse qyzmetkerleri men kóliktegi baqylaý inspektsiiasy jáne jelilik politsiia bólimi arnaiy reid uiymdastyrdy. Barlyǵy 13 poiyz tekserildi. Onyń 9-y - respýblikalyq, ózgesi halyqaralyq baǵytta qatynaidy.
«108 jolaýshyda bilet joq bolyp shyqty. Onyń 93-i el ishindegi qalalar men stantsiialarda qujatsyz mingen. Sonymen qatar TMD elderine qatynaityn poiyzǵa mingen 13 jolaýshynyń bileti tabylmady. 350 keli júkti rásimdemegen. Jolaýshylar tasymaly, júk jetkizý erejesin buzǵan 50 derek tirkeldi. Barlyǵyna 330 myń teńge aiyppul salyndy. Biletsiz júrgen adamdar jolaýshylar tasymaly kompaniiasyna bilet qunyn 10 eselep qaitarady. Jolserikter de jazadan qutylmaidy, olarǵa da aiyppul salyndy», - dep habarlady «Aqtóbe – adaldyq alańy» jobalyq keńsesiniń baspasóz qyzmeti.
Reid «Adal jol» jobasy aiasynda júrgizildi. Bul shara alypsatarlar men biletsiz jolaýshylardy boldyrmaý maqsatynda uiymdastyrylǵan. Reid kezinde vagondardyń tehnikalyq jaǵdaiy, tósek-oryn nazardan tys qalmady.
«Mobiýs» kompiýterlik júiesi arqyly bir adamnyń birneshe bilet alýyna shekteý qoiyldy. Nátijesinde alypsatarlar azaidy. Aldaǵy ýaqytta temirjol vokzaly qoǵamdyq baqylaýda bolady. Eger bilet alyp, ony qymbat baǵaǵa satyp júrgender týraly aqparat bilseńiz, 8 771 518 68 34 nómirine habar berińiz», - dep habarlady baspasóz qyzmeti.
