«اقتٶبە – ادالدىق الاڭى» جوبالىق كەڭسەسٸ پويىزدا رەيد ٶتكٸزدٸ. بيلەتسٸز جٷرگەن 108 جولاۋشى انىقتالدى, دەپ حابارلايدى "ۇلت اقپارات".
جوبالىق كەڭسە قىزمەتكەرلەرٸ مەن كٶلٸكتەگٸ باقىلاۋ ينسپەكتسيياسى جەنە جەلٸلٸك پوليتسييا بٶلٸمٸ ارنايى رەيد ۇيىمداستىردى. بارلىعى 13 پويىز تەكسەرٸلدٸ. ونىڭ 9-ى - رەسپۋبليكالىق, ٶزگەسٸ حالىقارالىق باعىتتا قاتىنايدى.
«108 جولاۋشىدا بيلەت جوق بولىپ شىقتى. ونىڭ 93-ٸ ەل ٸشٸندەگٸ قالالار مەن ستانتسييالاردا قۇجاتسىز مٸنگەن. سونىمەن قاتار تمد ەلدەرٸنە قاتىنايتىن پويىزعا مٸنگەن 13 جولاۋشىنىڭ بيلەتٸ تابىلمادى. 350 كەلٸ جٷكتٸ رەسٸمدەمەگەن. جولاۋشىلار تاسىمالى, جٷك جەتكٸزۋ ەرەجەسٸن بۇزعان 50 دەرەك تٸركەلدٸ. بارلىعىنا 330 مىڭ تەڭگە ايىپپۇل سالىندى. بيلەتسٸز جٷرگەن ادامدار جولاۋشىلار تاسىمالى كومپانيياسىنا بيلەت قۇنىن 10 ەسەلەپ قايتارادى. جولسەرٸكتەر دە جازادان قۇتىلمايدى, ولارعا دا ايىپپۇل سالىندى», - دەپ حابارلادى «اقتٶبە – ادالدىق الاڭى» جوبالىق كەڭسەسٸنٸڭ باسپاسٶز قىزمەتٸ.
رەيد «ادال جول» جوباسى اياسىندا جٷرگٸزٸلدٸ. بۇل شارا الىپساتارلار مەن بيلەتسٸز جولاۋشىلاردى بولدىرماۋ ماقساتىندا ۇيىمداستىرىلعان. رەيد كەزٸندە ۆاگونداردىڭ تەحنيكالىق جاعدايى, تٶسەك-ورىن نازاردان تىس قالمادى.
«موبيۋس» كومپيۋتەرلٸك جٷيەسٸ ارقىلى بٸر ادامنىڭ بٸرنەشە بيلەت الۋىنا شەكتەۋ قويىلدى. نەتيجەسٸندە الىپساتارلار ازايدى. الداعى ۋاقىتتا تەمٸرجول ۆوكزالى قوعامدىق باقىلاۋدا بولادى. ەگەر بيلەت الىپ, ونى قىمبات باعاعا ساتىپ جٷرگەندەر تۋرالى اقپارات بٸلسەڭٸز, 8 771 518 68 34 نٶمٸرٸنە حابار بەرٸڭٸز», - دەپ حابارلادى باسپاسٶز قىزمەتٸ.
