Aqtóbede er adam dúkendi oiynshyq tapanshamen tonamaq boldy, dep habarlaidy "Ult aqparat" Polisia.kz saityna silteme jasap.
Aqtóbe qalalyq politsiia bóliminiń Jedel basqarý ortalyǵynyń «102» nómirine dúkenniń 43 jastaǵy satýshysynan habar túsken. Ol er adam tapanshaǵa uqsas zatpen qorqytyp, kassadaǵy aqshany talap etkenin aitqan.
«Satýshy oǵan qarsylyq kórsetip, qaraqshyny dúkennen iterip shyǵaryp, aldyńǵy esikti ishinen jaýyp alǵan. Sodan keiin politsiiaǵa qońyraý shalǵan. Patrýldik politsiia nariady «izin sýytpai» 37 jastaǵy kúdiktini ustady. Qylmys quraly oiynshyq tapanshasy bolyp shyqty. Atalǵan fakti boiynsha QR QK-niń 192-baby 2-bóligi (Qaraqshylyq) boiynsha sotqa deiingi tergeý amaldary júrgizilýde. Osy baptyń sanktsiiasy dúnie-múlkin tárkileý, bes jyldan on jylǵa deiingi merzimge bas bostandyǵynan aiyrý túrindegi jazany kózdeidi. Kúdikti Aqtóbe qalalyq ýaqytsha ustaý abaqtysyna qamaldy», - delingen politsiia aqparatynda.
