اقتٶبەدە ەر ادام دٷكەندٸ ويىنشىق تاپانشامەن توناماق بولدى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
اقتٶبە قالالىق پوليتسييا بٶلٸمٸنٸڭ جەدەل باسقارۋ ورتالىعىنىڭ «102» نٶمٸرٸنە دٷكەننٸڭ 43 جاستاعى ساتۋشىسىنان حابار تٷسكەن. ول ەر ادام تاپانشاعا ۇقساس زاتپەن قورقىتىپ, كاسساداعى اقشانى تالاپ ەتكەنٸن ايتقان.
«ساتۋشى وعان قارسىلىق كٶرسەتٸپ, قاراقشىنى دٷكەننەن يتەرٸپ شىعارىپ, الدىڭعى ەسٸكتٸ ٸشٸنەن جاۋىپ العان. سودان كەيٸن پوليتسيياعا قوڭىراۋ شالعان. پاترۋلدٸك پوليتسييا ناريادى «ٸزٸن سۋىتپاي» 37 جاستاعى كٷدٸكتٸنٸ ۇستادى. قىلمىس قۇرالى ويىنشىق تاپانشاسى بولىپ شىقتى. اتالعان فاكتٸ بويىنشا قر قك-نٸڭ 192-بابى 2-بٶلٸگٸ (قاراقشىلىق) بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. وسى باپتىڭ سانكتسيياسى دٷنيە-مٷلكٸن تەركٸلەۋ, بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازانى كٶزدەيدٸ. كٷدٸكتٸ اقتٶبە قالالىق ۋاقىتشا ۇستاۋ اباقتىسىنا قامالدى», - دەلٸنگەن پوليتسييا اقپاراتىندا.
