Aqtóbedegi avtobýstyń órtený deregi boiynsha qylmystyq is qozǵaldy. Bul týraly Tengrinews.kz tilshisine oblystyq IID baspasóz qyzmetiniń ókili Erbolat Sarqulov habarlady.
"Osy iske qatysty QR Qylmystyq kodeksiniń 345-baby 4-bóligi ("Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy") boiynsha birińǵai reestrge tirkeldi", - dep habarlady Sarqulov.
Osy bapqa sáikes belgili bir laýazymdardy atqarý nemese belgili bir qyzmetpen ainalysý quqyǵynan jeti jylǵa deiingi merzimge aiyra otyryp, bes jyldan on jylǵa deiingi merzimge bas bostandyǵynan aiyrýǵa jazalanady.
Aqtóbe oblysynyń TJD baspasóz qyzmetiniń málimetinshe, órtke qysqa tuiyqtalý sebep bolǵan.
"Bastapqy aldyn ala nusqa - qysqa tuiyqtalý. Qazir bul nusqa da ózgelermen qatar tekserilip jatyr", - degen edi Aqtóbe oblysynyń TJD baspasóz qyzmetiniń ókilderi.
Eske salaiyq, osyǵan deiin Aqtóbede avtobýs órtenip, 52 adamnyń qaza tapqany jaily habarlanǵan bolatyn. Ikarus markaly avtobýstyń 18 qańtarda saǵat 10:30-da Aqtóbe oblysy Yrǵyz aýdanynda Samara - Shymkent tasjolynyń 1068 shaqyrymynda, Qalybai aýylynan 10 shaqyrym jerde órtengeni aitylǵan edi. Avtobýstyń ishinde 55 jolaýshy jáne eki júrgizýshi bolǵan. Onyń beseýi avtobýstan shyǵyp úlgergen. Keiin oqiǵa ornynan túsirilgen video men fotosýretter jariialandy.
