Aqtóbede vahtalyq ádispen jumys isteitin munaishylar mingen kólik aýdarylyp qaldy. Birneshe adam aýrýhanaǵa tústi, dep habarlaidy QazAqparat.
Oqiǵa 10 jeltoqsan kúni saǵa 17:30-da tirkeldi. Munai óndiretin kompaniialardyń birine tiesili «KamAZ-21099» avtokóliginiń 60 jastaǵy júrgizýshisi ken ornynan shyǵyp, Temir aýdany, Keńqiiaq kentine baǵyt aldy. Ol jolda rýlge ie bola almai, aýdarylyp qalǵan.
«Jol apaty saldarynan kólik júrgizýshisi men túrli dene jaraqatyn alǵan 6 jolaýshy Keńqiiaq aýyldyq aýrýhanasyna jetkizildi. Oblystyq politsiia departamenti kólik júrgizýshilerin jol erejelerin qatań saqtaýǵa shaqyrady», - dep habarlady oblystyq PD baspasóz qyzmetiniń jetekshisi Erbolat Sarqulov.
Keńqiiaq aýyldyq aýrýhanasy qyzmetkeriniń málimetine súiensek, báriniń jaǵdaiy jaqsy.
