Aqtóbede múmkindigi shekteýli jandar kúnine arnalǵan «Parasatty ómir» óńirlik forýmy ótti. Oǵan oblystaǵy múgedekterdiń qoǵamdyq birlestikteriniń ókilderi, sonymen qatar aýdan ákeimderiniń osy salaǵa jaýapty keńesshileri qatysty.
Bul múmkindigi shekteýli jandardyń máselelerimen ainalysatyn uiymdardyń jumystaryn qorytyndylaityn jyl saiynǵy shara. Qoǵamdyq uiymdar óńirde atalmysh baǵytta atqarylyp jatqan aýqymdy qyzmetter jaiynda aityp berdi.
- Men ár adamnyń bilimdiligi men tárbiesi onyń turmysy nashar turǵyndarǵa, kópbalaly otbasylarǵa jáne ásirese múmkindigi shekteýli jandarǵa qanshalyqty kómek pen qoldaý kórsetýge daiyn ekendigimien baǵalanady dep oilaimyn. Buǵan jalpy Elbasy saiasaty da baǵyttalǵan. Prezidenttiń aǵymdaǵy Joldaýy da áleýmettik sipatta. Joldaý eń aldymen árbir qazaqstandyq úshin qolaily jaǵdai jasaý úshin baǵyttalǵan, - dedi oblys ákimi Berdibek Saparbaev óziniń qatysýshylarǵa arnaǵan sózinde.
Óńir basshysy memleket pen qoǵamnyń bar kúshi múmkindigi shekteýli jandarǵa barlyq jaǵdai jasaý úshin baǵyttalýy kerek ekenin atap ótti. Sondyqtan, memlekettik organdar men qoǵamdyq uiymdardyń jumysynda múgedekterge qandai da bir mamandyq alýǵa múmkindik beretin jobalar men baǵyttarǵa basymdyq beriledi. Máselen, ákimniń sózinshe qazirgi tańda múgedekterdi massaj jasaýshy mamandyǵynan basqa tis dárigeri mamandyǵyna da oqytyp jatyr.
Ol sondai-aq, kásiporyndar men túrli kompaniia basshylarymen olar múgedekterge bos jumys oryndaryn bólý týraly zań talabyna qarsy kelmeýleri úshin jumystar júrgizilip jatqandyǵyn atap ótti. Áleýmettik jaýapkershilik tanytyp, halyqtyń osy sanatyna jumys oryndaryn ashqandardy mysalǵa aldy. Ákimniń málimetinshe, biyl múmkindigi shekteýli 800 adam jumysqa ornalasqan.
Bul rette densaýlyǵynda kináráti bar aqtóbelikter, sonyń ishinde jastardyń ózderi jaqsylyqqa umtylyp, maqsat qoiyp, soǵan jetýleri kerek,
Óz kezeginde sal azamattardy qorǵaý qoǵamynyń tóraiymy Quralai Báimenova múgedekterdiń quqyǵyn qorǵaý salasynda júrgizilip jatqan jumystar men kórsetilgen qoldaý úshin alǵysyn bildirdi. Ol sondai-aq, múmkindigi shekteýli jandardy belsendi bolyp, tuiyqtalyp qalmaýǵa shaqyrdy.
- Bizdiń forýmdar óz formatyn, taqyrybyn jyl saiyn ózgertip otyrady. Ziian keltirme, kúndelikti kem degende bir adam qamqorlyqty, mahabbat pen jylýlyqty seziný úshin is jasa», - dedi ol.
Forým kezinde múgedektigi bar azamattardy qorǵaýǵa baǵyttalǵan qozǵalysqa úlken úles qosyp, múgedekterdi áleýmettik qorǵaý salasyndaǵy kópjyldyq eńbegi men belsendi ómirlik ustanymy úshin úkimettik emes bes uiymnyń basshylary oblys ákimi atynan marapattaldy. Sondai-aq, múmkindigi shekteýli eń belsendi on aqtóbelik alǵys hattar aldy.
«Invataksi» kólik qyzmetin damytý maqsatynda «Halyq» qaiyrymdylyq qory Qazaqstannyń halyq bankimen birlese Quralai Báimenovaǵa shaǵyn avtobýstyń kiltin tabys etti. «GAZ 32212» markaly avtomobili arbaǵa tańylǵan múgedek jandardy tasymaldaýǵa arnalǵan jáne Aqtóbe qalasyna qyzmet kórsetedi, sonymen qatar, Qarǵaly, Aqjar, Jańaqonys jáne Qurashasai aýyldaryna qatynaityn bolady.
Oblystyq jumyspen qamtýdy úilestirý jáne áleýmettik baǵdarlamalar basqarmasynyń málimetinshe búginde óńirde 25 myńnan asa múgedek turady, olardyń 3 myńnan astamy balalar. Halyqtyń osy sanatynyń túrli qajettilikteri úshin, sonyń ishinde tehnikalyq qosalqy quraldardy satyp alýǵa, shipajaida emdelýge jáne taǵy da basqalar úshin 2018 jyly biýdjetten 1,8 milliard teńge bólingen. Túrli úkimettik emes uiymdar múgedekterdi ońaltýǵa jáne turmysyn jaqsartý úshin neshe túrli qyzmetterdi belsendi kórsetýde.
