Foto: © diapazon.kz
Aqtóbede múgedektigi bar er adam Týrgenev kóshesindegi Halyqqa qyzmet kórsetý ortalyǵyndaǵy lift jumys istemei, sonyń kesirinen baspaldaqpen tizerlep kóterilýge májbúr bolǵanyn aitty, - dep habarlaidy Tengrinews.kz agenttigi "Diapazon" basylymyna silteme jasap.
"Tórtinshi ret osynda tizerlep shyǵyp bara jatyrmyn. Birinshi ret - bir jyl buryn jeke kýáligimdi aýystyrǵanda, ekinshisi - karta aýystyrǵanda. Sodan keiin anyqtama alýǵa týra keldi. Olar únemi syltaý aitady: lift jumys istemeidi. Sebep, syltaý tabylady. Arbany kóterýge meiirimdi adamdar kómektesedi. Men olardyń ne oilaitynyn bilmeimin. Úndeý jasaýdy jón kórdim, múmkin olarǵa gazet arqyly jetkizsem, áser etetin shyǵar. Men jalǵyz emespin. Kóbi osylai kelip, qaitady", - deidi Aqtóbe qalasynyń turǵyny Viacheslav.
"Azamattarǵa arnalǵan úkimet" memlekettik korporatsiiasynyń Aqtóbe oblysy boiynsha filialy lift jaqyn kúnderi jumys isteidi dep ýáde berdi.
"Lift 2018 jyly ornatyldy, qyzmet etý merzimi - bes jyl. Aqaýlar boldy, lift buzylyp turdy. Shynjyryn aýystyrdyq. Liftke kúrdeli jóndeý qajet. Qazir ony júrgizip jatyrmyz. Aldaǵy kúnderi jumys istei bastaidy", - dedi filialdyń PR menedjeri Asylgúl Aidarova.
