فوتو: © diapazon.kz
اقتٶبەدە مٷگەدەكتٸگٸ بار ەر ادام تۋرگەنەۆ كٶشەسٸندەگٸ حالىققا قىزمەت كٶرسەتۋ ورتالىعىنداعى ليفت جۇمىس ٸستەمەي, سونىڭ كەسٸرٸنەن باسپالداقپەن تٸزەرلەپ كٶتەرٸلۋگە مەجبٷر بولعانىن ايتتى, - دەپ حابارلايدى Tengrinews.kz اگەنتتٸگٸ "دياپازون" باسىلىمىنا سٸلتەمە جاساپ.
"تٶرتٸنشٸ رەت وسىندا تٸزەرلەپ شىعىپ بارا جاتىرمىن. بٸرٸنشٸ رەت - بٸر جىل بۇرىن جەكە كۋەلٸگٸمدٸ اۋىستىرعاندا, ەكٸنشٸسٸ - كارتا اۋىستىرعاندا. سودان كەيٸن انىقتاما الۋعا تۋرا كەلدٸ. ولار ٷنەمٸ سىلتاۋ ايتادى: ليفت جۇمىس ٸستەمەيدٸ. سەبەپ, سىلتاۋ تابىلادى. اربانى كٶتەرۋگە مەيٸرٸمدٸ ادامدار كٶمەكتەسەدٸ. مەن ولاردىڭ نە ويلايتىنىن بٸلمەيمٸن. ٷندەۋ جاساۋدى جٶن كٶردٸم, مٷمكٸن ولارعا گازەت ارقىلى جەتكٸزسەم, ەسەر ەتەتٸن شىعار. مەن جالعىز ەمەسپٸن. كٶبٸ وسىلاي كەلٸپ, قايتادى", - دەيدٸ اقتٶبە قالاسىنىڭ تۇرعىنى ۆياچەسلاۆ.
"ازاماتتارعا ارنالعان ٷكٸمەت" مەملەكەتتٸك كورپوراتسيياسىنىڭ اقتٶبە وبلىسى بويىنشا فيليالى ليفت جاقىن كٷندەرٸ جۇمىس ٸستەيدٸ دەپ ۋەدە بەردٸ.
"ليفت 2018 جىلى ورناتىلدى, قىزمەت ەتۋ مەرزٸمٸ - بەس جىل. اقاۋلار بولدى, ليفت بۇزىلىپ تۇردى. شىنجىرىن اۋىستىردىق. ليفتكە كٷردەلٸ جٶندەۋ قاجەت. قازٸر ونى جٷرگٸزٸپ جاتىرمىز. الداعى كٷندەرٸ جۇمىس ٸستەي باستايدى", - دەدٸ فيليالدىڭ PR مەنەدجەرٸ اسىلگٷل ايداروۆا.
