videodan alynǵan kadr
Aqtóbede kámeletke tolmaǵan mopedist qarsy kele jatqan kólikke jol bermei, soqtyǵysty, - dep habarlaidy Tengrinews.kz saity Rikatv.kz saityna silteme jasap.
Oblystyq Politsiia departamenti málimetinshe, mopedti 16 jastaǵy júrgizýshi basqarǵan. Ol Qonaev kóshesinen Sherniiaz kóshesine qarai solǵa burylmaq bolyp, qarsy kele jatqan kólikke jol bermegen. Soqtyǵys saldarynan jasóspirim on metr jerge ushyp ketken.
Oqiǵa sáti beinetirkegishke túsip qalǵan.
Aýrýhana málimetinshe, qazir jasóspirim komada jatyr.
"Bas-mi jaraqaty, mi jaraqaty, samai súiegi synǵan. Balanyń jaǵdaiy aýyr", - dep túsindirdi oblystyq balalar aýrýhanasynyń bas dárigeri Erbol Japahov.
Politseiler jol-kólik oqiǵasy boiynsha sotaldy tergeý jalǵasyp jatqanyn aitty. Jasóspirimniń júrgizýshi kýáligi bolmaǵan, mopedti týystary syilaǵan.
