Aqtóbede mektep oqýshysy alaiaqtyq jasady degen kúdikke ilikti. Ol naýqas balanyń emine jinalǵan 800 myń teńgege jýyq qarjyny alyp ketken, dep habarlaidy "Ult aqparat".
Politsiia bul isti uzaq ýaqyt tergedi. Ekinshi deńgeili bank qosymshasy arqyly balanyń emine jinalǵan 790 myń teńge urlanǵan. Qylmystyq kodekstiń «Alaiaqtyq» baby boiynsha is qozǵalyp, tergeý áli jalǵasyp jatyr.
«Jábirlenýshiniń balasy týa bitti múgedek bolǵan. Reseidiń Sankt-Peterbýrg qalasyndaǵy emhanaǵa qajetti aqshany halyqtan kómek surap jinady. Ota jasaýǵa qajetti qarjy joǵalǵan kezde aryz túsirdi. Kriminaldyq politsiia qyzmetkerleri maqsatty jumys istep, jeltoqsan aiynyń basynda Aqtóbe qalasyndaǵy mektepterdiń birinde bilim alyp júrgen 16 jastaǵy oqýshyny anyqtap, ustady. Kúdikti arnaiy kompiýterlik baǵdarlamalardy paidalaný arqyly «WhatsApp» jelisimen hat almasqan. Sol kezde jábirlenýshiniń uialy telefonyna elektrondy silteme jasap, aqparattyq júiege zańsyz kirip ketti. Bank kartasynyń esepshotyn, onyń qupiia sanyn bilip, «Steam» oiyn akkaýnttaryna aqsha aýdardy. Ári elektrondy aqsha (Bitcoin) satyp alǵan. Qazirgi ýaqytta tergeý amaldary júrgizilip, osyǵan uqsas qylmystarǵa qatysy bar-joǵy tekserilýde», - dedi oblystyq PD baspasóz qyzmetiniń jetekshisi Erbolat Sarqulov.
