اقتٶبەدە مەكتەپ وقۋشىسى الاياقتىق جاسادى دەگەن كٷدٸككە ٸلٸكتٸ. ول ناۋقاس بالانىڭ ەمٸنە جينالعان 800 مىڭ تەڭگەگە جۋىق قارجىنى الىپ كەتكەن, دەپ حابارلايدى "ۇلت اقپارات".
پوليتسييا بۇل ٸستٸ ۇزاق ۋاقىت تەرگەدٸ. ەكٸنشٸ دەڭگەيلٸ بانك قوسىمشاسى ارقىلى بالانىڭ ەمٸنە جينالعان 790 مىڭ تەڭگە ۇرلانعان. قىلمىستىق كودەكستٸڭ «الاياقتىق» بابى بويىنشا ٸس قوزعالىپ, تەرگەۋ ەلٸ جالعاسىپ جاتىر.
«جەبٸرلەنۋشٸنٸڭ بالاسى تۋا بٸتتٸ مٷگەدەك بولعان. رەسەيدٸڭ سانكت-پەتەربۋرگ قالاسىنداعى ەمحاناعا قاجەتتٸ اقشانى حالىقتان كٶمەك سۇراپ جينادى. وتا جاساۋعا قاجەتتٸ قارجى جوعالعان كەزدە ارىز تٷسٸردٸ. كريمينالدىق پوليتسييا قىزمەتكەرلەرٸ ماقساتتى جۇمىس ٸستەپ, جەلتوقسان ايىنىڭ باسىندا اقتٶبە قالاسىنداعى مەكتەپتەردٸڭ بٸرٸندە بٸلٸم الىپ جٷرگەن 16 جاستاعى وقۋشىنى انىقتاپ, ۇستادى. كٷدٸكتٸ ارنايى كومپيۋتەرلٸك باعدارلامالاردى پايدالانۋ ارقىلى «WhatsApp» جەلٸسٸمەن حات الماسقان. سول كەزدە جەبٸرلەنۋشٸنٸڭ ۇيالى تەلەفونىنا ەلەكتروندى سٸلتەمە جاساپ, اقپاراتتىق جٷيەگە زاڭسىز كٸرٸپ كەتتٸ. بانك كارتاسىنىڭ ەسەپشوتىن, ونىڭ قۇپييا سانىن بٸلٸپ, «Steam» ويىن اككاۋنتتارىنا اقشا اۋداردى. ەرٸ ەلەكتروندى اقشا (Bitcoin) ساتىپ العان. قازٸرگٸ ۋاقىتتا تەرگەۋ امالدارى جٷرگٸزٸلٸپ, وسىعان ۇقساس قىلمىستارعا قاتىسى بار-جوعى تەكسەرٸلۋدە», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
