Aqtóbede 9 jáne 11-synyp oqýshylary dástúrli oqý formatyna kóshti, dep habarlaidy "Ult aqparat".
Aqtóbe oblysynda barlyǵy 400-den astam mektep bar. Onda 160 myńǵa jýyq bala bilim alyp júr. Ótken II toqsanda oqýshy sany 300-den aspaityn 226 mektep mektep shtattyq rejimde jumys istedi. Ondaǵy oqýshylar kontingenti - 19 263. 1-4-synyptarda ata-analardyń ótinishteri boiynsha 3442 kezekshi synyp ashyldy. Onda 44 myńnan astam oqýshy bilim aldy. Al 5-synyptarda 185 kezekshi synyp jumys istep, 2 243 bala oqydy. Al búginnen bastap 9 jáne 11 synyp oqýshylary aralas formatta oqidy.
«Matematika, qazaq tili, orys tili, shet tili, fizika, himiia, biologiia, algebra, geometriia, tarih jáne t.b. pánder mektepte oqytylady. Iaǵni, barlyq pánniń 70% shtattyq formatta ótedi. Mektepterde ikemdi sabaq kestesi jasalyp, sabaq arasyndaǵy úzilis ártúrli ýaqytta uiymdastyryldy. Sondai-aq áleýmettik araqashyqtyqty saqtaý úshin aýysymdar sany kóbeitilip, pánderdiń 30 paiyzy qashyqtan oqytylady. Oblysymyzdyń 13 myńnan astam oqýshysy shtattyq formatqa aýysty. Onyń ishinde 8 myńnan astamy 9-synyp, 5 myńnan astamy 11-synyp oqýshysy. Muǵalimder men ata-analardyń pikirin eskere otyryp, dástúrli formatta oqýǵa múmkindigi joq oqýshylarǵa jeke konsýltatsiia ótkiziledi. Konsýltatsiialyq sabaqtardy ótkizý úshin arnaiy top qurylady. Ondaǵy oqýshy sany besten aspaidy», - dedi oblystyq bilim basqarmasynyń basshysy Lázzat Orazbaeva.
