«Halyq jáne biznes qaýipsizdigi» forýmy aiasynda búgin qutqarýshylarǵa arnalǵan eskertkish ashyldy, dep habarlaidy "Ult aqparat".
Forým aiasynda sý tasqynynyń aldyn alý, zilzala qaýip-qaterin azaitý, turǵyn úi men avtokólikti órtten saqtandyrý, kásiporyndarda órt qaýipsizdigin uiymdastyrý, balabaqsha, mektep balalaryna qaýipsizdik erejesin úiretý jaiy jan-jaqty talqylandy. Al búgin «Halyq jáne biznes qaýipsizdigi» atty respýblikalyq sharasy kezinde órt sóndirý qyzmetine 8 kólik berildi. Keiin qutqarýshylar skverindegi «Táýelsiz qazaq eliniń qutqarýshylaryna» eskertkishi saltanatty túrde ashyldy.
«Eskertkish tótenshe jaǵdaida birinshi bolyp kómekke umtylatyn, adam ómirin saqtaýǵa bar-kúsh jigerin sarp etetin erjúrek ári batyl mamandarǵa arnalǵan. Eskertkishtiń jalpy biiktigi - 4,7 metr. Al balany órtten aman alyp qalyp, ony kóterip kele jatqan qutqarýshynyń músini 2,5 metr biiktikpen ornatylǵan. Eskertkish taqtaǵa «Táýelsiz qazaq eliniń qutqarýshylaryna taǵzym» dep jazyldy. Aqtóbe oblysy azamattyq qorǵaý ardagerler keńesiniń bastamasymen metsenattardyń demeýshilik qarjysyna ornatyldy», - dep habarlady oblystyq TJD baspasóz qyzmeti.
