«حالىق جەنە بيزنەس قاۋٸپسٸزدٸگٸ» فورۋمى اياسىندا بٷگٸن قۇتقارۋشىلارعا ارنالعان ەسكەرتكٸش اشىلدى, دەپ حابارلايدى "ۇلت اقپارات".
فورۋم اياسىندا سۋ تاسقىنىنىڭ الدىن الۋ, زٸلزالا قاۋٸپ-قاتەرٸن ازايتۋ, تۇرعىن ٷي مەن اۆتوكٶلٸكتٸ ٶرتتەن ساقتاندىرۋ, كەسٸپورىنداردا ٶرت قاۋٸپسٸزدٸگٸن ۇيىمداستىرۋ, بالاباقشا, مەكتەپ بالالارىنا قاۋٸپسٸزدٸك ەرەجەسٸن ٷيرەتۋ جايى جان-جاقتى تالقىلاندى. ال بٷگٸن «حالىق جەنە بيزنەس قاۋٸپسٸزدٸگٸ» اتتى رەسپۋبليكالىق شاراسى كەزٸندە ٶرت سٶندٸرۋ قىزمەتٸنە 8 كٶلٸك بەرٸلدٸ. كەيٸن قۇتقارۋشىلار سكۆەرٸندەگٸ «تەۋەلسٸز قازاق ەلٸنٸڭ قۇتقارۋشىلارىنا» ەسكەرتكٸشٸ سالتاناتتى تٷردە اشىلدى.
«ەسكەرتكٸش تٶتەنشە جاعدايدا بٸرٸنشٸ بولىپ كٶمەككە ۇمتىلاتىن, ادام ٶمٸرٸن ساقتاۋعا بار-كٷش جٸگەرٸن سارپ ەتەتٸن ەرجٷرەك ەرٸ باتىل ماماندارعا ارنالعان. ەسكەرتكٸشتٸڭ جالپى بيٸكتٸگٸ - 4,7 مەتر. ال بالانى ٶرتتەن امان الىپ قالىپ, ونى كٶتەرٸپ كەلە جاتقان قۇتقارۋشىنىڭ مٷسٸنٸ 2,5 مەتر بيٸكتٸكپەن ورناتىلعان. ەسكەرتكٸش تاقتاعا «تەۋەلسٸز قازاق ەلٸنٸڭ قۇتقارۋشىلارىنا تاعزىم» دەپ جازىلدى. اقتٶبە وبلىسى ازاماتتىق قورعاۋ ارداگەرلەر كەڭەسٸنٸڭ باستاماسىمەن مەتسەناتتاردىڭ دەمەۋشٸلٸك قارجىسىنا ورناتىلدى», - دەپ حابارلادى وبلىستىق تجد باسپاسٶز قىزمەتٸ.
