Aqtóbede indetke shaldyqqan kúdiktiden jaýap alǵan prokýrorlar men politsiia qyzmetkerlerinen analiz alyndy. Alǵashqy tekserý kezinde olardan aýrý belgisi anyqtalmady, dep habarlaidy QazAqparat.
«Politsiianyń tergeý izoliatorynda 8, prokýratýrada 15 adamnan analiz alynyp, karantinge jatqyzyldy», - dedi oblystyq densaýlyq saqtaý basqarmasynyń basshysy Áset Qaliev.
Eske salsaq, keshe tergeý izoliatoryndaǵy kúdiktini tekserý kezinde onyń indet juqtyrǵany anyqtalǵan bolatyn.
