Aqtóbedegi Qarǵaly aýdandyq politsiia bólimi jalǵan aqparat taratqan Badamsha aýylynyń turǵynyn ustady, dep habarlaidy "Ult aqparat".
WhatsApp jáne ózge de messendjer arqyly jalǵan aqparat taratqan Badamsha aýylynyń 34 jastaǵy turǵyny bolyp shyqty.
«Er adam tańerteń turǵan kezde aýla ishinde arnaiy kiim kiip, dezinfektsiia jasap júrgen adamdardy kórgen. Sóitip balalardyń oiyn alańyndaǵy zalalsyzdandyrý jumystaryn videoǵa túsirip, týystaryna «Badamsha aýylynda koronavirýs anyqtaldy» dep jazyp jibergen. Kúdiktiniń kim ekeni anyqtaldy, ol kinásin moiyndady, ókinetinin aitty. Qazir ákimshilik jaýapkershilikke tartý máselesi qaralyp jatyr», - dep habarlady oblystyq PD baspasóz qyzmetiniń jetkshisi Erbolat Sarqulov.
Politsiia kún saiyn áleýmettik jelige monitoring júrgizedi. Sondyqtan kez kelgen aqparatty taratpas buryn aldymen onyń ras, ótirigin ajyratyp, anyqtaýdy eske saldy.
