Aqtóbe qalasynda kópqabatty úidiń bir bóligi órtendi. Qazir páter ieleri anyqtalyp, órttiń shyǵý sebebi tekserilip jatyr, dep habarlaidy "Ult aqparat".
«Úi 3-qabattan bastap órtendi. Úidi qaptaǵan zat tez sharpyp ketti. Páterler jabyq tur»,- deidi kýáger Ǵaini Ǵazizqyzy.
«Saǵat 15:10-da habarlama túsip, 10 minýtta kólik jetti. Órt 20 minýtta sóndirilip, qazir anyqtaý jumysy bastaldy. Órtten soń tútin shyǵyp jatyr. Biraq bári baqylaýda», - dedi oblystyq TJD bastyǵynyń orynbasary Ernur Ótegenov.
Aita keteiik, oqiǵa ornynda birneshe órt sóndirý kóligi men jedel járdem, politsiia tur. Sondai-aq, oblys ákimi Berdibek Saparbaev pen qala ákimi Iliias Ispanov ta kelgen.
«Oblys ákiminiń tapsyrmasymen arnaiy komissiia quryldy. Órttiń shyǵý sebebi men zardap shekkender anyqtalady», - deidi oblys ákiminiń orynbasary Serik Tólenbergenov.
