Aqtóbede júrginshiler jolaǵynan ótip bara jatqan 10-synyp oqýshysyn kólik qaǵyp ketti. Ol oqiǵa ornynda kóz jumdy, dep habarlaidy QazAqparat.
Keleńsiz jaǵdai 3 jeltoqsan kúni saǵat 21:05-te boldy. «Land Krýzer Prado» avtokóliginiń 32 jastaǵy júrgizýshisi Aqtóbe qalasynyń Patsaev kóshesimen kele jatyp, rettelmeitin jaiaý júrginshiler ótkelinde ótip bara jatqan jaiaý júrginshige jol bermedi. Saldarynan 2006 jyly týǵan jasóspirimdi qaǵyp ketti. Jol-kólik oqiǵasy saldarynan ol oqiǵa ornynda kóz jumdy» - dedi oblystyq PD baspasóz qyzmetiniń jetekshisi Erbolat Sarqulov.
QR QK «Jol qozǵalysy erejesin buzý« baby boiynsha tergeý amaldary júrgizilip jatyr. Júrgizýshi Aqtóbe qalalyq ýaqytsha ustaý izoliatoryna qamaldy.
«Mundai qaiǵyly oqiǵany boldyrmaý úshin júrgizýshi men jaiaý júrginshi jol qaýipsizdiginiń qarapaiym erejelerin saqtaýy qajet. Júrgizýshi jaiaý júrginshi joldyń júris bóligine kenet shyqqan jaǵdaida da áreket ete alatyndai jyldamdyqpen qozǵalýy tiis», - dedi E.Sarqulov.
