اقتٶبەدە جٷرگٸنشٸلەر جولاعىنان ٶتٸپ بارا جاتقان 10-سىنىپ وقۋشىسىن كٶلٸك قاعىپ كەتتٸ. ول وقيعا ورنىندا كٶز جۇمدى, دەپ حابارلايدى قازاقپارات.
كەلەڭسٸز جاعداي 3 جەلتوقسان كٷنٸ ساعات 21:05-تە بولدى. «لاند كرۋزەر پرادو» اۆتوكٶلٸگٸنٸڭ 32 جاستاعى جٷرگٸزۋشٸسٸ اقتٶبە قالاسىنىڭ پاتساەۆ كٶشەسٸمەن كەلە جاتىپ, رەتتەلمەيتٸن جاياۋ جٷرگٸنشٸلەر ٶتكەلٸندە ٶتٸپ بارا جاتقان جاياۋ جٷرگٸنشٸگە جول بەرمەدٸ. سالدارىنان 2006 جىلى تۋعان جاسٶسپٸرٸمدٸ قاعىپ كەتتٸ. جول-كٶلٸك وقيعاسى سالدارىنان ول وقيعا ورنىندا كٶز جۇمدى» - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
قر قك «جول قوزعالىسى ەرەجەسٸن بۇزۋ« بابى بويىنشا تەرگەۋ امالدارى جٷرگٸزٸلٸپ جاتىر. جٷرگٸزۋشٸ اقتٶبە قالالىق ۋاقىتشا ۇستاۋ يزولياتورىنا قامالدى.
«مۇنداي قايعىلى وقيعانى بولدىرماۋ ٷشٸن جٷرگٸزۋشٸ مەن جاياۋ جٷرگٸنشٸ جول قاۋٸپسٸزدٸگٸنٸڭ قاراپايىم ەرەجەلەرٸن ساقتاۋى قاجەت. جٷرگٸزۋشٸ جاياۋ جٷرگٸنشٸ جولدىڭ جٷرٸس بٶلٸگٸنە كەنەت شىققان جاعدايدا دا ەرەكەت ەتە الاتىنداي جىلدامدىقپەن قوزعالۋى تيٸس», - دەدٸ ە.سارقۇلوۆ.
