Aqtóbede kólik ishinen eki adamnyń denesi tabyldy. Boljam boiynsha olar gazǵa tunshyǵyp qalǵan, dep habarlaidy QazAqparat.
Oqiǵa 28 qarasha kúni saǵat 17:32-de tirkeldi.
Aqtóbe qalasyndaǵy №7 garaj kooperativine tiesili garajdardyń birinde «VAZ-21099» avtokóliginen 50 jastaǵy er adam men 49 jastaǵy áieldiń denesi tabyldy.
Múrdede zorlyq-zombylyq belgileri anyqtalmady.
«Boljam boiynsha olar gazdan ýlanyp, kóz jumǵan. Sot-meditsinalyq saraptama taǵaiyndaldy. Gaz nemese kómirtegi totyǵy (CO) qaýipti. Onyń túsi de, dámi de, iisi de joq bolǵandyqtan alǵashynda aitarlyqtai áseri bolmaidy. Ishki organizmge engen ýaqytta adam ýlana bastaidy», - dep habarlady oblystyq PD baspasóz qyzmetiniń jetekshisi Erbolat Sarqulov.
