4 mamyrdan bastap Aqtóbede halyqqa qyzmet kórsetý ortalyqtary jumysyn bastaidy, - dep habarlaidy oblys ákimdigi janyndaǵy jedel shtaby.
Aqtóbe qalasy men aýdandarda 4 mamyrynan bastap saǵat 10:00-den 17:00-ge deiin Halyqqa qyzmet kórsetý ortalyqtary jumys isteidi. Tek biznes ókilderine qyzmet kórsetedi. Aqtóbe qalasynda Týrgenev kóshesindegi jáne Mamandandyrylǵan halyqqa qyzmet kórsetý ortalyǵy alǵashqy tizimge engen.
«Tótenshe jaǵdai kezigje 42 500 teńge áleýmettik tólemdi alýǵa 567 251 adam ótinish berdi. Eńbek jáne halyqty áleýmettik qorǵaý ministrligi 353 myńǵa jýyq ótinishti keri qaitardy. Al 206 myńnan astam adam tólemaqy aldy. Qalǵan bóligine tólem júrgizilý ústinde. Al «Biz birgemiz» aktsiiasy aiasynda 4347 otbasyna 40,4 mln teńge kólemindegi azyq-túlik paketi, gigienalyq quraldar, maska jáne aqshalai kómek kórsetildi. Onyń ishinde: 1804 az qamtylǵan otbasyna, 115 jalǵyz basty anaǵa, 1365 kópbalaly otbasyna, 559 múgedekke, 220 múgedek bala tárbielep otyrǵan otbasyna, 174 jalǵyzbasty jáne jalǵyz turatyn zeinetkerler men múgedekterge, 2 ata-ananyń qamqorlyǵynsyz qalǵan jetim balaǵa, 118 tyl ardagerleri men UOS ardagerleriniń jesirlerine zattai jáne aqshalai kómek kórsetildi jáne 120 myńnan astam maska taratyldy«, - dep habarlady jedel shtab.
Aita keteiik, Call-ortalyqqa 21 039 suraq tústi. Túsken suraqtardyń barlyǵy tiisti memlekettik organdarǵa shara qabyldaý úshin joldandy. Psihologiialyq kómek kórsetetin «Qyzý jelige» 153 adam qońyraý shaldy.
«Tótenshe jaǵdai engizilgennen beri 1125 tártip buzýshylyq faktisi anyqtaldy. Onyń ishinde 238 adam qamaldy. 78 adam blokposttan zańsyz ótpek boldy»,- dedi oblystyq PD baspasóz qyzmeti.
