Aqtóbe qalasyndaǵy infektsiialyq statsionarlarǵa asa aýyr jaǵdaida jetkizilip jatqan naýqas sany artty. Qazir 91 adam jansaqtaý bóliminde jatyr, dep habarlaidy "Ult aqparat".
Aqtóbe oblysy boiynsha bir táýlikte taǵy 238 adamnan koronavirýs infektsiiasy anyqtaldy. Onyń 172-si derttiń simtomdy túrine shaldyqqan.
«Aqtóbe qalasynda infektsiialyq statsionarlar tolýǵa jaqyn. Sondyqtan adamdar kóp shoǵyrlanatyn jerde shama kelse barmaǵan durys. Iia, túbegeili karantindik shekteý joq, keibir shaǵyn jáne orta biznes sýbektisi jumys istep tur. Bul emin-erkin júrýge bolady degendi bildirmeidi. Qazir oblystyq ftiziopýlmonologiialyq ortalyq 85, Aqtóbe meditsina ortalyǵy 93 jáne temirjol aýrýhanasy 97 paiyzǵa toldy. Taǵy jańa aýrýhana ashylýy múmkin. Eger jańa statsionar ashylsa, bul josparly em júrgizýge keri áserin tigizedi», - dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
Aita keteiik, Aqtóbe oblysy boiynsha 128 júkti áielden koronavirýs infektsiialyq anyqtalyp, olar dárigerler baqylaýyna alynǵan. Al 47-i statsionarǵa jatqyzyldy.
Bekbolat Izbasarovtyń aitýynsha, 5 áieldiń jaǵdaiy aýyr. Sonymen birge 260 bala dárigerler baqylaýynda bolsa, onyń 19-y aýrýhanada.
Qazir infektsiialyq aýrýhanalarda em qabyldap jatqan naýqas sany 1 myńǵa jýyqtaǵan.
Barlyǵy 91 adam jansaqtaý bóliminde bolsa, onyń 12-i ókpeni jasandy jeldetý apparatyna qosylǵan.
