Foto: TASS
Bas prokýratýrada dini ekstremizm men terrorizmge qarsy is-qimyl máseleleri talqylandy, dep habarlaidy vedomstvonyń baspasóz qyzmeti.
"Sońǵy jyldary elimizde prokýratýra organdarynyń úilestirýimen, quqyq qorǵaý jáne arnaiy organdar qatysýymen terrorizm men ekstremizmniń alǵy sharttaryn anyqtaý jáne jolyn kesý úshin zańnamalyq jáne uiymdastyrýshylyq bazany qurý jáne jetildirý boiynsha eleýli jumys atqaryldy.
Búgingi tańda internet keńistiginde radikaldy ideialardyń taralýy aitarlyqtai qaýip tóndiredi. Quqyqqa qarsy kontenti bar saittardy tekserý maqsatynda 2017 jyly «Kiberqadaǵalaý» jobasy iske qosyldy, onyń nátijeleri boiynsha memlekettik organdar dini ekstremizm men terrorizm belgileri bar 900 myńnan astam veb-siltemelerdi buǵattady" - delingen habarlamada.
Mysaly, 2022 jyldyń sońynda Bas prokýratýra halyqaralyq terroristik uiymǵa qatysy bar jalǵan ýaǵyzshynyń «Youtube» beinekontentiniń (shamamen 3 myń jazylýshy jáne 5 myń qaralym) veb-siltemesin buǵattaǵan.
Budan bólek Bas prokýratýranyń úilestirýimen Aqtóbe oblysyndaǵy UQK Departamenti «Telegram» mesendjeri arqyly «qarýly» jihad materialdaryn taratqan «B» azamatyna qatysty qylmystyq is qozǵaǵan.
Atalǵan adam sot úkimimen QK-niń 256-baby (terrorizdi nasihattaý) boiynsha 6 jylǵa bas bostandyǵynan aiyrý jazasyna kesildi.
