فوتو: تاسس
باس پروكۋراتۋرادا دٸني ەكسترەميزم مەن تەرروريزمگە قارسى ٸس-قيمىل مەسەلەلەرٸ تالقىلاندى, دەپ حابارلايدى ۆەدومستۆونىڭ باسپاسٶز قىزمەتٸ.
"سوڭعى جىلدارى ەلٸمٸزدە پروكۋراتۋرا ورگاندارىنىڭ ٷيلەستٸرۋٸمەن, قۇقىق قورعاۋ جەنە ارنايى ورگاندار قاتىسۋىمەن تەرروريزم مەن ەكسترەميزمنٸڭ العى شارتتارىن انىقتاۋ جەنە جولىن كەسۋ ٷشٸن زاڭنامالىق جەنە ۇيىمداستىرۋشىلىق بازانى قۇرۋ جەنە جەتٸلدٸرۋ بويىنشا ەلەۋلٸ جۇمىس اتقارىلدى.
بٷگٸنگٸ تاڭدا ينتەرنەت كەڭٸستٸگٸندە راديكالدى يدەيالاردىڭ تارالۋى ايتارلىقتاي قاۋٸپ تٶندٸرەدٸ. قۇقىققا قارسى كونتەنتٸ بار سايتتاردى تەكسەرۋ ماقساتىندا 2017 جىلى «كيبەرقاداعالاۋ» جوباسى ٸسكە قوسىلدى, ونىڭ نەتيجەلەرٸ بويىنشا مەملەكەتتٸك ورگاندار دٸني ەكسترەميزم مەن تەرروريزم بەلگٸلەرٸ بار 900 مىڭنان استام ۆەب-سٸلتەمەلەردٸ بۇعاتتادى" - دەلٸنگەن حابارلامادا.
مىسالى, 2022 جىلدىڭ سوڭىندا باس پروكۋراتۋرا حالىقارالىق تەرروريستٸك ۇيىمعا قاتىسى بار جالعان ۋاعىزشىنىڭ «Youtube» بەينەكونتەنتٸنٸڭ (شامامەن 3 مىڭ جازىلۋشى جەنە 5 مىڭ قارالىم) ۆەب-سٸلتەمەسٸن بۇعاتتاعان.
بۇدان بٶلەك باس پروكۋراتۋرانىڭ ٷيلەستٸرۋٸمەن اقتٶبە وبلىسىنداعى ۇقك دەپارتامەنتٸ «Telegram» مەسەندجەرٸ ارقىلى «قارۋلى» جيھاد ماتەريالدارىن تاراتقان «ب» ازاماتىنا قاتىستى قىلمىستىق ٸس قوزعاعان.
اتالعان ادام سوت ٷكٸمٸمەن قك-نٸڭ 256-بابى (تەرروريزدٸ ناسيحاتتاۋ) بويىنشا 6 جىلعا باس بوستاندىعىنان ايىرۋ جازاسىنا كەسٸلدٸ.
