Aqtóbede osymen ekinshi apta karantin rejimin jeńildetý keiinge shegerildi, dep habarlaidy "Ult aqparat".
Aqtóbe oblysynda sońǵy táýlikte taǵy 18 adam indetke shaldyqqan bolatyn.
Oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva jergilikti arnada ótken tikelei efir kezinde 25 mamyr kúni karantin rejimi jeńildemeitinin habarlady.
«Aqtóbe qalasynda aýrý órship tur. Qazir ósim 7 paiyzdan joǵary. Buǵan deiin keibir nysandy 25 mamyrdan bastap ashýdy josparlasaq, kórsetkishke qarap keiinge shegerýge týra keldi. Kelesi aptada taǵy da baqylaimyz. Qala turǵyndaryna aitarymyz, úiden sebepsiz shyǵýǵa bolmaidy. Kásipkerler shydamdy bolýy kerek. Tártipti saqtaǵan jón», - dedi Nursulý Berkimbaeva.
Eske salsaq, ótken aptada Aqtóbede balabaqshalar jumysy keiinge shegerilgen bolatyn.
