اقتٶبەدە وسىمەن ەكٸنشٸ اپتا كارانتين رەجيمٸن جەڭٸلدەتۋ كەيٸنگە شەگەرٸلدٸ, دەپ حابارلايدى "ۇلت اقپارات".
اقتٶبە وبلىسىندا سوڭعى تەۋلٸكتە تاعى 18 ادام ٸندەتكە شالدىققان بولاتىن.
وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا جەرگٸلٸكتٸ ارنادا ٶتكەن تٸكەلەي ەفير كەزٸندە 25 مامىر كٷنٸ كارانتين رەجيمٸ جەڭٸلدەمەيتٸنٸن حابارلادى.
«اقتٶبە قالاسىندا اۋرۋ ٶرشٸپ تۇر. قازٸر ٶسٸم 7 پايىزدان جوعارى. بۇعان دەيٸن كەيبٸر نىساندى 25 مامىردان باستاپ اشۋدى جوسپارلاساق, كٶرسەتكٸشكە قاراپ كەيٸنگە شەگەرۋگە تۋرا كەلدٸ. كەلەسٸ اپتادا تاعى دا باقىلايمىز. قالا تۇرعىندارىنا ايتارىمىز, ٷيدەن سەبەپسٸز شىعۋعا بولمايدى. كەسٸپكەرلەر شىدامدى بولۋى كەرەك. تەرتٸپتٸ ساقتاعان جٶن», - دەدٸ نۇرسۇلۋ بەركٸمباەۆا.
ەسكە سالساق, ٶتكەن اپتادا اقتٶبەدە بالاباقشالار جۇمىسى كەيٸنگە شەگەرٸلگەن بولاتىن.
