Foto: "Astana" telearnasy
Aqtóbede qańtar oqiǵasyna qatysqandarǵa qatysty úkim shyǵaryldy. Is boiynsha aiyptalýshy tarapta - 18 adam. Olarǵa jappai tártipsizdikterge qatysty, qarý urlady jáne bilik ókilderine kúsh qoldandy degen aiyp taǵylǵan, - dep habarlaidy Tengrinews.kz portaly "Astana" telearnasyna silteme jasap.
Segiz adam shartty merzimge sottalǵan, eki aiyptalýshy aqtalyp, sot zalynda qamaýdan bosatyldy. Qalǵandary naqty merzimge – 9 aidan 4 jylǵa deiin bas bostandyǵynan aiyrylǵan. Eń aýyr jaza – 15 jyl - Nursultan Isaevta. Onyń 2022 jyly miting kezinde kólikpen politseilerdi qaǵyp ótkeni dáleldendi. Quqyq qorǵaý organynyń eki qyzmetkeri jaraqat alǵan.
Al sheneýnikter men politseilerdiń shyǵyndy óndirýge qatysty azamattyq shaǵymdaryna kelsek, olar qaraýsyz qaldyrylǵan.
Eske salaiyq, 2022 jyldyń qańtarynda adamdar oblys ákimdiginiń ǵimaratynda tártipsizdikter uiymdastyrǵan bolatyn. Birinshi, ekinshi jáne úshinshi qabattar zaqymdanǵan. Terezeleri synǵan, keńselerde noýtbýkter joq, keibir keńse jabdyqtary synǵan. Quzyrly organdarǵa keltirilgen shyǵyn 300 million teńgege baǵalandy.
