Aqtóbe qalasynda 17 jastaǵy bozbala pyshaq jaraqatyn alyp, aýrýhanaǵa tústi, dep habarlaidy "Ult aqparat".
Oblystyq politsiia departamentiniń kezekshi bólimine 17 jastaǵy bozbalanyń pyshaq jaraqatymen aýrýhanaǵa jetkizilgeni týraly habarlama tústi.
Oǵan óz zamandasy pyshaq salǵan.
Jábirlenýshi aýrýhanaǵa jatqyzyldy. Oǵan meditsinalyq kómek kórsetildi. Qazirgi ýaqytta jábirlenýshiniń jaǵdaiy turaqty.
Qazir osy derek boiynsha qylmystyq is qozǵalǵan.
«Sonymen birge qalada 15 jastaǵy jasóspirimniń murny synyp, aýrýhanaǵa tústi. Ol úiiniń janyndaǵy mekteptiń fýtbol alańynda oinaǵan. Janjal barysynda oǵan beitanys jigittiń dene jaraqatyn salǵany anyqtaldy. Jábirlenýshige meditsinalyq kómek kórsetildi. Qazirgi ýaqytta jábirlenýshiniń jaǵdaiy turaqty. Kóbine baqylaýsyz qalǵan balalar qylmysqa barady. Osyǵan bailanysty oblystyq politsiia departamenti ata-analardan balalaryn qaraýsyz qaldyrmaýdy suraidy», - dep habarlady oblystyq PD baspasóz qyzmetiniń jetekshisi Erbolat Sarqulov.
