Aqtóbede koronavirýs qaýpi joǵary elden kelgen 6 adam anyqtaldy. Onyń tórteýi - Qytai, ekeýi - Italiiadan kelgen, dep habarlaidy "Ult aqparat".
Aqtóbe oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva búgin baspasóz máslihatynda sanitarlyq-epidemiologiialyq jaǵdaidyń turaqty ekenin aitty. Oblysqa 6 adam kelip, dárigerler bárin baqylaýǵa alǵan.
«Qytaidan kelgen tórt adam karantinde bolyp, virýs anyqtalmaǵan soń shyǵaryldy. Al Italiiadan kelgen eki adam qazir dárigerler baqylaýynda. Ájesi men nemeresi shetelge demalýǵa barǵan eken», - dedi Nursulý Berkimbaeva.
Aita keteiik, Aqtóbede arnaiy shtab qurylǵan. Jaǵdai kúndelikti baqylaýǵa alyndy.
«Infektsiialyq aýrýhanada arnaiy 25 kereýettik izoliator jáne júike aýrýyna shaldyqqan azamattardy emdeý ornynda qosymsha 105 kereýet daiyn tur. Bul jerde tolyq jaǵdai jasalǵan. Materialdyq-tehnikalyq bazasy jaqsy, dári-dármek jetkilikti. Dárigerler arnaiy daiyndyqtan ótti. Oǵan qosymsha meditsinalyq kolledjdiń jataqhanasy men «Munaishy» lagerin qosyp, 500 oryn daiyndaldy. Osy jaǵdaiǵa bailanysty jedel járdemniń eki brigadasy daiyndaldy» , - dedi oblystyq densaýlyq saqtaý basqarmasynyń basshysy Áset Qaliev.
