Aqtóbe oblysy boiynsha 5 adam karantinde jatyr, dep habarlaidy "Ult aqparat".
Oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti aimaqta koronovirýs infektsiiasy tirkelmegenin habarlady. Aqtóbede sanitarlyq-epidemiologiialyq jaǵdai turaqty.
«Búgingi kúni 1 «A» sanaty boiynsha 5 adam statsionarlyq karantinde jatyr. Onyń ishinde 2 adam Italiiadan kelgen (bireýi bala), saraptama nátijeleri teris. Taǵy 2 adam Ispaniiadan kelgen, saraptama nátijeleri teris. Bir adam Germaniiadan kelgen, onyń da saraptama nátijesi teris. 1 «B» sanaty boiynsha 20 adam úi karantinine alyndy. 2 sanattaǵy elderden kelgen 28 adam telefon bailanysy arqyly meditsinalyq baqylaýda», - dep habarlady oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Barlyq epidemiiaǵa qarsy qajetti is-sharalar, onyń ishinde oqshaýlaý, emdeý jáne dezinfektsiialyq jumys ýaqytyly júrip jatyr.
«Kúnine shekaradan 700 adam ótedi. Onyń ishinde koronovirýs infektsiiasy boiynsha qolaisyz elderden kelgen azamattar baqylaýǵa alynady. Ótken táýlik ishinde shekaradan 648 adam ótken. Resmi aqparatty Densaýlyq saqtaý ministrliginiń, Komitettiń jáne departamenttiń áleýmettik jelidegi paraqshasynan oqýǵa bolady. Sonymen qatar 1406 nómiri táýlik boiy jumys istep tur. Sondai-aq koronavirýs infektsiiasyna qatysty suraqtar boiynsha Aqtóbe oblysy Taýarlar men kórsetiletin qyzmetterdiń sapasy men qaýipsizdigin baqylaý departamentiniń 8/7132/ 55-77-37 bailanys nomerine, dáriler jáne maskalar boiynsha – 8/7132/ 55-75-18 bailanys nomerine habarlasa alasyzdar», - dep habarlady oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
