Aqtóbede jasy 60-tan asqan erli-zaiypty janjaldasyp, qariia aýrýhanaǵa tústi, dep habarlaidy "Ult aqparat".
Aqtóbe oblystyq politsiia departamenti baspasóz qyzmetiniń habarlaýynsha, 66 jastaǵy otaǵasy 60 jastaǵy áieline pyshaq suǵyp alǵan.
«Zeinetkerler arasyndaǵy janjal kezinde zardap shekken qariia oblystyq meditsina ortalyǵyna tústi. Atalǵan derek boiynsha Qylmystyq kodekstiń «Densaýlyqqa qasaqana aýyr ziian keltirý» baby boiynsha sotqa deiingi tergeý amaldary júrgizilip jatyr. Sot-meditsinalyq saraptama taǵaiyndaldy. Osy baptyń sanktsiiasy úsh jyldan segiz jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý túrindegi jazany kózdeidi», - dedi oblystyq PD baspasóz qyzmetiniń jetekshisi Erbolat Sarqulov.
Aitp keteiik, jyl basynan beri otbasylyq-turmystyq 17 qylmystyq is tirkelgen. Ýchaskelik politsiia inspektorlary 2 590 qorǵaý nusqamasyn shyǵardy, sottar quqyq buzýshylardyń júris-turysyna 701 erekshe talap qoidy. Onyń ishinde 564 quqyq buzýshyǵa qatysty alkogoldik ishimdikti paidalanýǵa tyiym salyndy.
