Aqtóbe qalasyndaǵy aryqqa eki jeńil kólik túsip ketti. Biriniń júrgizýshisi aýrýhanaǵa tústi, dep habarlaidy QazAqparat.
Aqtóbe qalasyndaǵy Sáńkibai batyr kóshesinde ornalasqan aryqqa bir emes, eki kólik túsip ketti. Oblystyq politsiia departamenti baspasóz qyzmetiniń habarlaýynsha, Shevrolet kóliginiń júrgizýshisi abaisyzda aryqqa qulaǵan.
«Oqiǵa ornyna patrýldik politsiia qyzmetkerleri jiberildi. Áiel abaisyzda sol aryqqa túsip ketken. Eshkim zardap shekken joq. Sonymen birge «Volkswagen Polo» avtokóliginiń 30 jastaǵy júrgizýshisi Sáńkibai batyr dańǵylynda kedergi men qaýip týyndaǵan kezde jyldamdyqty tómendetpei, rýlge ie bola almai qaldy. Sóitip aryqqa túsip ketti. Jol-kólik oqiǵasy saldarynan júrgizýshi jedel járdem aýrýhanasynyń jansaqtaý bólimine jatqyzyldy», - dep habarlady oblystyq PD baspasóz qyzmeti.
